Ndodhë edhe kjo, striptiz në qendër të Prishtinës

Në hapësirat e Hotelit Grand, po hapet një striptiz bar, MTI regjistron këtë biznes

Aktivitete të tilla janë të rralla në Kosovë.

Edhe nëse ka pasur, ato janë zhvilluar fshehtas diku në periferi të qyteteve kosovare.

Por ky zanat shumë shpejt do të nisë të kryhet në qendër të Prishtinës.

Brenda këtij objekti tashmë kanë filluar punët për të krijuar një ambient adekuat për këtë lloj vallëzimi.

Se shumë shpejt në këtë vend do hapet një lokal nate, e kanë paralajmëruar edhe vajzat të cilat janë pjesë e këtij klubi.

Por ky nuk është lajmërimi i vetëm që ky biznes bënë.

Shumë hapur edhe në rrjetet sociale por edhe nëpër qytetet lajmërojnë për mbrëmjet e tyre.

Në agjencinë e Regjistrimit të Bizneseve e cila funksionon në kuadër të Ministrisë së Tregtisë, ky biznes është regjistruar.

Aktivitetet që janë të regjistruara me përparësi janë argëtimi dhe rekreacioni kurse si aktivitet sekondarë janë shfaqjet artistike duke mos specifikuar se çka konsiderojnë artistike.

Policia e Kosovës në kuadër të operacioneve që kanë të bëjnë me veprimtari të prostitucionit kanë bërë një serë aktivitetesh

Për T7 kanë konfirmuar që operacione të tilla kanë pasur edhe në lokalin e Shqiponjave që ndodhet në magjistralen Ferizaj-Lipjan.

Por nuk kanë bërë të ditur nëse kanë pasur arrestime apo jo.

Kurse AKP-ja e cila ka nën mbikëqyrje çdo veprimtari brenda Hotel Grandit për televizionin nuk kanë kthyer përgjigje.

Ligjërisht Kosova ende nuk ka bazë që të hetohet striptizmi.