OnePlus prezanton një pajisje 5G

OnePlus ka premtuar një pajisje 5G këtë vit. Në Kongresin Mobil Botëror kompania në një farë mënyre e mbajti premtimin.

Ndryshe nga gjithë ai lumë pajisjesh 5G që debutuan, kompania na ofroi vetëm një prototip i cili ende nuk është gati të debutojë.

Produkti u shfaq nën tendën e Qualcomm duke qenë se prezenca e OnePlus ka qenë me dyer të mbyllura në këtë aktivitet.

Për prodhuesin e çipeve është një tjetër mundësi për të treguar sesi teknologjia e tij është bërë kaq popullore.

Në tendën e Qualcomm, OnePlus simuloi një lojë mbi rrjetin 5G dhe shërbimin cloud. Falë teknologjisë 5G lojtarët mund të luajnë lojëra të mëdha nga cloudi të cilat zakonisht luhen vetëm duke u shkarkuar nëpër kompjutera.

Bazuar në aktivitetet e kaluara të OnePlus, presim që telefoni i kompanisë të mbërrijë në verë. Zakonisht në këtë periudhë është sjellë edhe një version i telefoni ndërsa këtë vit pritet OnePlus 7