Taksa ndaj Serbisë rrit shitjen e prodhimeve vendore

Në Prishtinë ka filluar festa për 11-vjetorin e Pavarësisë së Kosovës dhe në mesin e shumë aktiviteteve që po zhvillohen sot është edhe hapja e panairit të prodhimeve vendore në sheshin “Adem Jashari” në kryeqytet, ku prodhues nga vende të ndryshme të Kosovës kanë dalë për t’i promovuar produktet e tyre.

Prodhuesit kosovarë thonë se panairet janë mundësi e mirë për promovimin dhe shitjen e produkteve të tyre. Por, ata shprehen të pakënaqur me vendin ku po mbahet panairi, meqë sipas tyre, sheshet kryesore në Prishtinë kanë më shumë qarkullim dhe aty do të ishte më mirë të vendoseshin me produktet e tyre.